Bláfjöll og beinbrot

Fyrsti skíðadagur ársins að baki. Þið heyrðuð rétt, ég fór á skíði í gær! ýkt gaman, æðislegt, gjeggjað og allur pakkinn! Það var frábært veður 5 gráðu frost, bjart, smá gola og gjeggjað færi- gerist varla betra! Ég, Sigga systir og Diljá vorum mættar snemma a undan traffík og gátum því farið nokkrar ferðir í stólalyftuna á vandræða. Sú stutta kom NB með okkur í stólalyftuna aðeins fimm ára! Frumraun hennar og hún stóð sig alveg þokkalega. Hún er alger hetja, vældi meira og minna í brekkunum í fyrravetur en núna er aðal-stemmningin að fara á undan mömmu sinni í lyftuna og renna sér niður á undan henni þ.e í barnalyftunni. Ég fór nú ekki nema 4 ferðir í stólalyftuna en þá sögðu fætur mínir stopp!! Greinilega ekki í alveg eins góðu formi og fyrir 10 árum þegar maður stundaði þetta sport villt og galið. Ætlaði aftur í morgun en gat rétt naumlega komist frammúr rúminu vegna harðsperra og svo er e-r andskoti kominn í hálsinn minn!! En á morgun skal það vera, tilraun tvö. Þetta er aðeins upphitun fyrir Akureyraferðina miklu sem verður með skólanum í byrjun febrúar.

Fór í "vísindaferð" á sjúkrahúsið á Selfossi í gær, vorum í Þorrablóti hjá hele familien og Ármann litli fændi datt úti þegar hann var að leika sér og meiddi sig alveg rosa mikið, grét heillengi sem er ekki honum líkt! Farið með þann stutta á sjúkrahús Selfoss og þar kom í ljós að hann hefði sprungið bein í olnboganum og nú er hann gifsaður 3ja ára drengurinn.

2006-2007

2007 gengið í garð úje! Gerði engin áramótaheit þetta árið frekar en hin. Líklega er líf mitt svona rosalega fullkomið að ekkert er hægt að bæta við það. Ónei, svo er ekki. Maður getur alltaf bætt sig held ég. En gaman að velta fyrir sér svona í upphafi árs hvers má vænta af nýja árinu. Ég ætla að telja upp ýmislegt sem ég vona að muni gerast á þessu ári svo er bara að sjá hvað úr verður. Í fyrsta lagi fer ég í 60 ára afmæli föður míns um næstu helgi, Fer með Steina í rómántískar sumarbústaðaferðir, fagna 30 ára afmæli elskunnar minnar í apríl í golfferð með mömmu í Danaveldi í sumar, með slatta af skemmtilegu fólki í gönguferð um laugaveginn og svo allt hitt sem ég hef ekki hugmynd um að eigi eftir að gerast sem verður vonandi líka mjög skemmtilegt. Hvað var svo skemmtilegast á árinu sem er að líða hmmm... Londonferðin var æði, allar frábæru samverustundirnar með mínum elskulegu vinum og kærasta, Fimmvörðuháls var snilld í alla staði! Svo auðvitað jólin sem voru tær snilld, hefði bara mátt vera skíðafæri.

Ég er reyndar farin að efast um að ég eigi vini :-( er alveg hætt að fá comment. Þeir sem skoða verða að kvitta- takk! legg til að þeir sem sjái þetta skrifi allir hóhó í commentadálkinn neðst!!!!!