Iss Piss!

Jæja komið að því að maður geti farið að sofa út aftur. Því ég er að klára verknámstímann á morgun, en meðan á þessu stóð vaknaði ég á meðan að borgin svaf –
já mæting kl 7:30- sem er mjög snemmt á mínum bæ!
Þetta er búið að vera mjög skemmtilegur tími- í upphafi fannst mér þessar hjúkkur svo miklar hetjur að geta gert 100 hluti í einu og núna er ég bara ekkert svo langt frá því sjálf- ég er ekki aðeins og hugsa UM sjúklinga heldur líka að hugsa FYRIR þá. Lendi reyndar oftar en ekki í að svara spurningum sem ég get ekki svarað- mætti stundum að halda að maður væri sérfræðingur á sviði þvagfæraskurðlækninga sem ég er ekki- allavegana ekki enn! Kannski ég verði sérfræðingur í þvagleka eða þvagteppu þegar ég hef lokið við
ritgerð sem ég er ekki enn búin að fá svar við hvort er æskilegra að skrifa um.

Hef annars ekki frá fleiru að segja, ekki nema að ástin mín er að koma heim á næstu dögum og ég er að farin að hlakka alltof mikið til að hitta hann.

Cya